Ковид-19 во британските затвори: За една година починале 118 затвореници
Во британските затвори во изминатата година починаа 118 затвореници од последици на коронавирусот, соопшти тамошното Министерство за правда.
Во дописот се наведува дека станува збор за период од 16 март лани до 28 февруари оваа година, а затворениците починувале во 54 затвори во Англија и во Велс, пренесува „Би-Би-Си“.
Од почетокот на пандемијата, во вкупно 127 британски затвори се регистрирани 14.480 случаи на ковид-19 од кои 106 во казнено-поправни домови за малолетници.
Најтешка била ситуацијата во затворот во Стафордшир, во Западен Мидленд, каде се инфицира 468 затвореници. Критичниот период бил во јануари во оваа година, кога во еден момент имало дури 249 позитивни лица.