Ковид-19 во БиХ: Нови 582 пациенти и дури 63 смртни случаи во изминатите 24 часа
На подрачјето на Федерацијата БиХ се регистрирани нови 582 инфицирани лица со ковид-19 од 2.485 тестови додека во изминатите 24 часа починаа 63 пациенти. Новите случаи се забележани во сите кантони на Федерацијата, освен во Кантон 10.
Во изминатото деноноќие во Република Српска се направени 391 тест, а коронавирусот е детектиран кај 129 лица. За последните 24 часа се евидентирани 19 починати лица.
Во дистрикт Брчко има шест нови случаи на заразата, исто толку лица оздравеа од вирусот на кој, во последните 24 часа, му подлегна еден пациент.
Досега во БиХ се направени 489.207 тестови од кои вирусот е потврден кај 94.513 лица. Заклучно со денешниот ден, во БиХ се излекувани 81.189 пациенти.
Како активни во моментот се водат 10.307 случаи, вкупниот број, пак, на починати лица во земјата од почетокот на пандемијата изнесува 3.017.