Речиси 700.000 деца во САД се заболени со ковид-19 од почетокот на пандемијата, според новиот извештај на Американската академија за педијатрија и Здружението на детски болнички установи. Вкупно 77.073 случаи на деца биле пријавени само во периодот од 24 септември до 8 октомври, што е пораст од 13 отсто во двонеделните случаи, според извештајот.

Децата претставуваат 10,7 отсто од сите заразени, се вели во извештајот.

Вкупната стапка е 927 случаи на 100.000 деца во популацијата. Децата учествуваат со 0,9 отсто до 3,6 отсто од вкупната пријавена хоспитализација и од 0 до 0,23 отсто од сите смртни случаи од ковид-19, се вели во извештајот.

„Ковид-19 во моментот се чини дека е ретка кај децата. Сепак, САД мора да продолжат да обезбедуваат детални извештаи за случаи со ковид-19, тестови, хоспитализации и смртност по возраст и раса/етничка припадност, за да може да бидат документирани и следени ефектите на ковид-19 врз здравјето на децата”, се наведува во документот.