Министерката за одбрана, Славјанка Петровска, вечерва во гостувањето во емисијата „360 Степени“ на „Алсат“ ги отфрли како невистинити тврдењата на пратеникот од ВМРО-ДПМНЕ и поранешен прв човек на военото разузнавање, Драган Ковачки, дека оперативци-разузнавачи од земјава се уапсени на територијата на Косово.

„Апсолутно – не! Да ви бидат уапсени ваши припадници на територија на друга земја значи непријателство меѓу тие две земји. Што не е случај со Република Косово. Особено не во областа на одбраната. Соработката меѓу двете воени служби е на високо ниво. Не гледам причина зошто би биле уапсени“, рече министерката Петровска.

Таа најави уште една во серијата тужби за клевета против Ковачки.