Откако утрово министерката за одбрана Радмила Шекеринска нагласи дека полковникот Драган Ковачки поради заканите до началникот на Генералштабот поминал само со опомена и парична казна и му порача да престане да биде партиски војник туку да си ја врши армиската служба, тој се јави преку Центарот за комуникации на ВМРО-ДПМНЕ.

-Шекеринска повторно манипулира и објавува детали од интерни армиски постапки за кои цело време предупредувам. Прво, престанете да манипулирате и кажете и’ на јавноста дека Комисија предводена од генерал не најде докази за тоа за што ме обвинувате, а Вашата комисија во која нема ниеден генерал туку има и лица помлади по чин од мене, Ви достави нарачан предлог. Па од авион се гледа Вашиот притисок врз Вашата комисија. Институцијата не Ви е партиска играчка да се пресметувате со мене затоа што не мислам како Вас. Второ, должите да одговорите: Зошто и после година дена се’ уште на вашиот фејсбук профил стои доверлива класифицираната мапа од зона на одговорност на армиска единица? Трето, дефокусирате од вистинските проблеми: – Која е улогата на министерот за одбрана во набавките на кинеските вакцини од ФАНТОМ фирмата во Хонг Конг? – Како може со чиновничка плата да се купи куќа вредна баснословна сума, а за багателна цена? Еве ја повикувам јавноста и истражувачките новинари да се заинтересирааат за случајот и да го истражат. Последно, не е учтиво од уста на дама на толку висока политичка и партиска функција да напаѓате на личност со неумесен речник и да ме наречете плачко и лажго. Нема да се симнам на тоа ниво, но во интерес и добробит на општеството, на сите родители би им советувал такви фрази да избегнуваат пред своите деца, одговара полковникот Драган Ковачки.

Шеќеринска за Ковачки: Да реагирав на Твитер ќе кажев „ем лажго, ем плачко“