Ковачевски со честитка за признавање на автокефалноста на Охридската Архиепископија

Димитар Ковачевски
Димитар Ковачевски / Фото: „Слободен печат“/Драган Митрески

Премиерот Димитар Ковачевски денеска од Рим испрати честитка по повод признавање на автокефалноста на Македонската православна црква Охридската Архиепископија.

-Голем е денешниот ден, историски кога ги чествуваме светите браќа Кирил и Методиј да ја добиеме и автокефалноста на нашата држава, како рмноправна со другите и како признание за нејзиното наследство и духвната величина на древната Охридкска Архиепископија и како автентичен дел на македонскиот идентитет, изјави премиерот.

Тој на сите православни христијани во државата им го честиташе овој ден.

-Се радуваме заедно со сите православни христијани во нашата земја на историската вест со која Македонската православна црква Охридска Архиепископији се стекнува со автокефалност. Ова со векови очекуваната вест е соопштена денеска на заедничката служба со Српската Православна црква. На сите православни христијани им го честитам овој ден, додаде Ковачевски.

ВИДЕО | Заедничка литургија на МПЦ-ОА и СПЦ во соборниот храм „Св. Климент Охридски” во Скопје

Видео на денот