Ковачевски: Се согласувам со амбасадорката Агелер во однос на корупцијата, да се пријават сите неправилности

Димитар Ковачевски, фото: МИА

Премиерот Димитар Ковачевски на денешната прес-конференција во Влада, осврнувајќи се на изјавата на американската амбасадорка во земјава Анџела Агелер, дека иако чекориме на патот кон Европската Унија, корупцијата го кочи напредокот на Северна Македонија, рече дека апсолутно се согласува со неа.

–  Вчера имав состанок со неа и со потсекретарот на САД за борба против тероризам и перење пари, на којшто разговаравме во однос на теми поврзани со надлежностите на МФ на САД и посебно на овој потсекретар. Во тој дел ќе следуваат заеднички активности, рече Ковачевски.

Тој, во делот на борбата против корупцијата и владеењето на правото, потсети на поделените надлежности, а тоа е дека Владата треба во рамки на своите надлежности да овозможи независно функцонирање на судството и на Обвинителството во дражвата.

– И ние тоа го правиме. До колку го погледнете и овој буџет ќе видите дека нема никакви намалувања, иако сме во криза, во делот на финансирањето на судството. Тие треба да работат како независен сопствен буџет, како што е согласно со закон. Во однос на заложбите на Владата, јас асполутно ги поттикнувам сите коишто се соочиле со одредени криминални, коруптивни пракси, веднаш да ги пријават кај сите надлежни институиции коишто се задолжени за тоа и да одлучуваат судските и обвинителските органи нормално во согласност со закон во рамки на своите надлежности, нагласи претседателот на Владата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот