Ковачевски: Пратеник вчера снимаше пратеничка во деколтето, не знам што ќе прави со снимката
Премиерот Димитар Ковачевски денеска на седницата за пратенички прашања посочи дека пратеник од ВМРО-ДПМНЕ, кој не го именуваше, вчера ја снимал пратеничката Снежана Калеска – Ванчева на 15 сантиметри од нејзиното деколте. Тој посочи дека не знае пратеникот што ќе прави со снимката
Свесен е народот за деструкцијата која произлегува единствено во опозицијата. Само снимките ако се погледнат од вчерашниот ден, на кои претседателката на Законодавно-правната комисија од пратеник кој во моментов ми се смее со мобилен телефон ја снима на 15 сантиметри од нејзиното деколте. Не знам што ќе и прави на таа снимка“, кажа Ковачевски.
На седницата на Законодавно-правната комисија на која претседател е Снежана Калеска – Ванчева вчера се случувал вистински хаос. Препукувања, тропање и дерење имало до полноќ.
