Ковач останува во Баерн Минхен
Во текот на целата сезона постојано се зборуваше за негова смена, посебно со слабиот почеток, но како одминуваше сезоната, Баерн Минхен играше се подобро и на крајот успеа да дојде и до двојната круна.
Триумфот на Баерн Минхен во Купот на Германија беше прв по пауза од три години и претседателот на клубот, Карл-Хајнц Румениге, изјави дека Ковач и понатаму останува тренер на екипата.
– Нормално дека Нико останува тренер, тоа никогаш не се доведуваше во прашање. Во Баерн се важни трофеите и тоа е нешто во кое тренерот има важна улога. Не се сомневавме во Ковач, тимот изгледаше совршено во финалето на Купот. За шпекулациите се виновни медиумите – изјави Румените.
Интересно е што Нико Ковач, втора година по ред триумфира во Купот на Германија, откако минатата со Ајнтрајт Франкфурт го победи токму неговиот сегашен тим, Баерн Минхен.