Долгогодишниот македонски репрезентативец Александар Костоски одлучи да потпише нов договор со екипата на Гостивар која има големи амбиции за наредната сезона. Костовски и Гостивар се договорија за двегодишна соработка.

„Моторот на нашиот тим е првиот играч кој ја продолжи верноста кон нашиот клуб. Гостивар ќе има среќа уште две години во салата „Младост“ да ги гледа мајсториите на најдобриот плеј во Македонија. Костоски продолжува да игра пред најдобрата публика во Македонија“, објави КК Гостивар на својата официјална Фејсбук страница.

Претходно нов договор со гостиварци потпиша и тренерот Марјан Србиновски, додека управата на тимот откако се договори со најдобриот македонски кошаркар за 2016 година, истото ќе се обиде да го стори и со останатите искусни кошаркари кои минатата сезона го носеа дресот на овој тим.