Ракометната репрезентација на Македонија по откажаниот контролен натпревар со Израел, ги продолжува подготовките за настапот на Европското првенство во Унгарија и Словачка.

Ракометарите со тргнувањето за Дебрецин каде ги очекуваат натпревари со Словенија, Црна Гора и Данска, ќе се подготвуваат во Скопје, а еден од најмладите репрезентативци, Ненад Костески вели дека е задоволен од тренинзите, атмосферата и финалните подготовки како и од неговата игра на натпреварите против Кувајт и Израел.

– Првиот дел од подготовките заврши. Влегуваме во последна фаза пред Европското првенство. Се поминува во најдобар ред и ги исполнуваме задачите што ги дава селекторот. Лично сум задоволен од тоа како играме, напредуваме и индивидуално сме добро подготвени. Задоволен сум и од моите настапи на трите пријателски натпревари. Се надевам дека се ќе продолжи во најдобар ред со повреди и дека со мирни глави ќе заминеме на Европско првенство. Ги анализираме противниците. Добро ги познаваме. Со Данска игравме во квалификации и докажавме дека можеме да играме и изненадиме. Црна Гора не смееме да ја потцениме. Квалитетна селекција која се бори до крај. Словенците исто така добро ги познаваме и знаеме како играат. Се подготвуваме напорно и се надеваме на позитивен резултат – вели Костески.