Градоначалникот на Валандово Перо Костадинов во „Утрински брифинг“ на „Слободна ТВ“ зборуваше за состојбата во општина Валандово.

-Сите надлежни институции коишто можат да помогнат се вклучени во Општина Валандово. Вршиме редовна дезинфекција на општината, школите, улиците, градинките… Нудиме помош на најралнивата група – возрасните, рече Костадинов.

Тој кажа дека голем број компании се вклучија во акцијата за изработка на маски, како и дека граѓаните на Валандово се дисциплинирани и ги почитуваат мерките на Владата.

-Затворени се јавните површини, паркови и градски пазар. Адаптираме простор за земање брис за детектирање на КОВИД-19. Голем број на општествени компании се вклучија во производство на текстилни маски кои бесплатно ги поделивме. Во локалната самоуправа во Валандово се работи во смени. Се прилагодуваме на состојбата и целосно ги почитуваме мерките на Владата. Граѓаните на Валандово се дисциплинирани. До сега немаме регистриран случај, изјави градоначалникот Костадинов.