Република Косово учествуваше на еден од најважните глобални настани за технологија и вештачка интелигенција (ВИ), каде лидери и професионалци од областа се собраа во Париз за да разговараат за решенија и иновации кои ќе го трансформираат светот, објавија косовските медиуми.

На овој самит посветен на вештачката интелигенција, Република Косово ја претставуваше претседателката Вјоса Османи Садриу. Османи рече дека технологијата води кон невидена светска револуција и, според неа, Косово мора да биде подготвено да биде дел од оваа трансформација.

„Косово на глобалната мапа на дискусии за вештачката интелигенција. Лидери од целиот свет и професионалци од областа се собраа во Париз за да разговараат за решенија кои ќе го трансформираат светот, ставајќи ја технологијата во служба на човештвото. Технологијата води невидена глобална револуција и Косово мора да биде подготвено да биде дел од оваа трансформација“, напиша Османи.

Според неа, важно е земјите како Косово да придонесат и да ги искористат можностите што ги нуди овој развој за подобрување на животот на граѓаните.