Косовската претседателка: Не сакаме Република Српска во Косово

Вјоса Османи / Фото: Архива на Слободен печат

Косовската претседателка Вјоса Османи ја исклучи можноста за промена на Уставот на Косово со цел да се формира Заедница на српски општини (ЗСО) и воопшто ја исклучи можноста за формирање на ЗСО, пренесува Бета.

-Нема да дозволиме никакво обединување на градови и заедници кои би создале моноетничка структура на моќ во нашата земја. Тоа не е во наш интерес, ниту во интерес на регионот или нашите сојузници, рече Османи за германскиот весник Зидојче цајтунг.

Пред утрешната посета на Берлин, Османи вели:

-Ако дозволиме Српска асоцијација на градови и општини во Косово, тоа би била само прелиминарна фаза за Србија до уште една Република Српска. Не сакаме уште една нефункционална држава како Босна и Херцеговина, оценува Османи.

 

Видео на денот