Косовската пејачка Морина фатена со оружје на албанско-косовска граница
Пиштолот бил пронајден во чантата на пејачката, а откако била спроведена во притвор, таа не се чувствувала добро па била итно префрлена во болницата.
-При извршената контрола на втората линија, во чантата на Ф.М. (34) жителка на Приштина, Косово, граничната полиција пронајде и заплени како доказен материјал огнено оружје тип „зораки“ со 23 куршуми. Додека во багажникот на возилото е пронајдена и запалка на изглед како пиштол, информира полицијата од Кукуш.
Притворени се и сопатниците Ф.М.(29), жител на Косово и Ф.С. (29) од Белгија. Сите ќе одговараат за кривично дело „трговија со оружје и муниција“.