Косово: Уште една жртва со Ковид-19, вкупно 28 мртви

Во соопштението на косовската државна болница се наведува дека се работи за 77-годишен маж од Ораховац, кој, освен од Ковид-19, страдал и од други хронични болести, што е случај и со останатите 27 досега починати.

Клиничкиот и универзитетски центар на Косово соопшти дека на тамошната Инфективна клиника денеска почина еден од пациентите заболени од Ковид-19, со што бројот на жртви на епидемијата на новиот коронавирус во земјата се искачи на 28, јави дописникот на МИА од Приштина.

Во соопштението на косовската државна болница се наведува дека се работи за 77-годишен маж од Ораховац, кој, освен од Ковид-19, страдал и од други хронични болести, што е случај и со останатите 27 досега починати.

Институтот за јавно здравство на Косово синоќа соопшти дека вчера во земјата е потврден еден нов случај на заболен од Ковид-19, со што вкупната бројка на заразени од новиот коронавирус во земјата, од појавата на првите случаи пред речиси два месеци, достигна до 861, од кои активни се 272 случаи.

Во целата држава, согласно пропишаните методи на Светската здравствена организација, вклучително вчерашните 28 нови случаи, официјално како излекувани се водат 561 лице.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот