Косово регистрира 11 сметни случаи и 855 новозаболени од Ковид-19
Бројот на жртви од пандемијата на ковид-19 во Косово се зголеми на вкупно 885, откако во минатото деноноќие починаа 11 пациенти.
Според последниот извештај на Националниот институт за јавно здравство на Косово, во изминатите 24 часа се регистрирани 855 новозаболени, со што бројката на лица кај кои е откриен вирусот се зголеми на 32.877. Од нив, вклучително вчерашните рекордни 748 излекувани пациенти, болеста досега ја совладале 19.722 лица.
Официјално, согласно наведените податоци, во земјата моментно има 12.220 носители на заразата.
Вчера се извршени 1.930, тестови, а вкупно досега се направени 127.722 тестирања со методот РТ-ПЦР.
Жариште на епидемијата е главниот град Приштина, каде што коронавирусот досега е откриен кај повеќе од 12.500 лица.