13 C
Скопје

Косово: Нови девет жртви и 680 заразени од Ковид-19, најавено заострување на мерките

Во Косово во минатото деноноќие се регистрирани нови девет смртни случаи како последица на заразата од Ковид-19, а во истиот период има и 680 нови случаи кај кои е откриен коронавирусот, јави дописникот на МИА од Приштина.

Според последните официјални статистики, досега од појавата на епидемијата, во земјата вирусот е откриен кај вкупно 93.655 лица, од кои починале 1.915 заразени.

Последните 24 часа, согласно последниот извештај на Националниот институт за јавно здравство на Косово, како излекувани од болеста се евидентирани 465 лица кои претходно биле дијагностицирани со Ковид-19, со што бројката на оние кои ја совладале болеста достигна до 77.433.

Вчера се извршени 4.083, а од почетокот на пандемијата нешто повеќе од 443 илјади тестирања со методот РТ-ПЦР.

Активни носители на вирусот во моментов, вклучително денешните податоци, се 14.307 лица.

Од Министерството за здравство на Косово денеска најавија дека се разгледува можноста за нови мерки за спречување на ширењето на заразата, меѓу кои е затворањето на училиштата, угостителските објекти, трговските центри и фитнес центрите и вежбалните. На ова се спротивставија Здружението на угостители и Бордот на Асоцијацијата на општини, кои тврдат дека новото затворање ќе предизвика уште поголеми штети на економијата, која и онака трпи поради пандемијата.

Евентуалните нови мерки, како што најави косовскиот министер за здравство Арбен Витиа на денешната виртуелна средба со претставници на Министерството за локална самоуправа и на дел од општините, би стапиле на сила идниот вторник, на 6 април, и би траеле до 18 овој месец.

Поврзани вести

ВИДЕО I Силна бура во Хрватска: Илјадници громови удрија во Истра

Слободен печат

Филипините ги враќаат подарените 1000 дози кинески вакцини: Немале одобрение

Слободен печат

Војниците на Беливук откажуваат послушност: Почнаа да откриваат сè за злосторствата на кланот

Слободен печат

Трагедија заради селфи? 20 годишно момче од Војводина се качи на вагон, го убија 25.000 волти

Слободен печат

Русковска: Во „27 април“ нема обвинети, ниту се одговара за дело тероризам

Слободен печат

Лукашенко: Белорусија разви своја „жива“ вакцина против коронавирусот

Слободен печат

Остави Коментар