Косово ќе ја тужи Србија и селекторот Пикси

Фото: EPA-EFE/ANDREJ CUKIC

Фудбалската федерација на Косово денес соопшти дека е испратена жалба до Меѓународната федерација ФИФА поради навредите на селекторот Драган Стојковиќ и расистичките провокации од навивачите на Србија за време на натпреварот со Швајцарија.

Косово во официјалното соопштение наведува дека имало истакнување на пароли со политичка содржина против Албанците, а навреди можеле да се слушнеле во текот на целиот натпревар.

„ФФК поднесе жалба со доказите до ФИФА и бара да се отвори истрага зао вој случај. Фудбалската федерација на ФИФА треба да биде суспендирана и еднаш засекогаш да се исфрлат ваквите скандирања од фудбалските стадиони на големи настани како што е Мундијалот“, стои во соопштението.

Неодамна Косово се жалеше до ФИФА и поради знамето кое стоеше во соблекувалната на Србија со картата на Косово и натпис „нема предавање“.

Видео на денот