Амбасадорот на САД во Приштина, Филип Коснет, денеска се сретна со претседателот на Демократскиот сојуз на Косово (ЛДК), Иса Мустафа, и со потпретседателите, Агим Велиу, Лутфи Азири и Вјоса Османи.

После средбата претседателот на ЛДК, Иса Мустафа, кратко изјави дека решението за формирање на владата во Косово, го дава Движењето Самоопределување, а не тие.

После средбата од Демократскиот сојуз на Косово испратија соопштение во кое се вели, дека американскиот амбасадор побарал од партиите да се формира влада.

– Претседателот Мустафа го извести амбасадорот Коснет за текот на досегашните преговори со Движењето Самоопределување за постигнување договор за владеење. Амбасадорот Коснет ги повика политичките водачи да формираат нова влада која што побрзо ќе ги исполни очекувањата на гласачите-, се вели во соопштението на ЛДК.