Пандемијата на коронавирусот го промени животот на луѓето во целиот свет, ги стави во карантин за да се спречи ширењето на заразата.

Во овие тешки времиња, храброста е главната одлука на докторите кој без престан се борат за животите на пациентите. Меѓу нив се и Италијанците Силвија Марцијали и Гвидо Џованети кои кошаркарското судиско свирче го заменија за бел мантил и стетоскоп. Тие се ФИБА судии, но имаат завршено медицина.

– Кога заполна заразата на коронавирусот, навистина сакав да помогнам. Не ми беше важно како, што и да треба ќе направам. Не ми беше важно дали треба да одам во северна Италија каде состојбата е катастрофална. Многумина од нас сакаат да одат таму, но не може да потпишам договор бидејќи сум во Рим – вели Марцијали.

Вториот италијански судија кој има завршено медицинско училиште, Гвидо Џованети се наоѓа на југот на Италија.

– Моментно состојбата е многу тешка и таа се менува секој ден, станува се потешка и Владата бара дополнителна лекарска помош. Бев на одделот за кардиологија, но сега сум преместо на друг оддел за пациенти заболени од ковид-19. Главниот проблем за сите нас е што не знаеме кога се ова ќе заврши бидејќи во некои делови од Италија како Ломбардија и Милано, состојбата не се смирува – вели Џованети.

Доосега во Италија се регистрирани повеќе од 110.000 случаи на заразени од коронавирус, а починати се 13.155 лица.