Евролигата во кооперација со ЕЛПА (Унијата на играчи на Евролига) одржа состанок со претставниците на играчите од сите преостанати тимови од елитното натпреварување и Еврокупот.

Новинарот на „Еурохупс“, Никос Варлас, соопшти дека состанокот е одржан со взаемно почитување и дека претставниците на играчите и челниците на Евролигата имаа конструктивен разговор.

The meeting between EuroLeague and the players is over. The tone was respectful and responsible from both sides. The vast majority of the players don't want the season to resume. Monday is the big day

— Varlas Nikos (@nikosvarlas) May 23, 2020

Се вели дека поголемиот дел од играчите ја изразија желбата за целосен прекин на сезоната.

Кошаркарите се загрижени поради ситуацијата со коронавирусот и сметаат дека постои голем ризик од повреди доколку продолжи сезоната во текот на летото.

Конечната одлука ќе биде донесена в понеделник на 25 мај. До прекинот на сезоната после 28 кола водеше Анадолу Ефес (24-4), пред Реал Мадрид (22-6) и Барселона (22-6)…