Кошаркарите на Шпанија го завршија учеството на Олимписките игри
Кошаркарската репрезентација на Канада денеска ја совлада селекцијата на Шпанија со резултат 88:85 во натпреварот од третото коло од групата А на Олимписките игри.
Веднаш беше јасно дека Шпанците или ќе бидат први или последни во својата група, во зависност од дуелот со Канада, а северноамериканската селекција успеа да оствари вреден триумф во драматичен финиш.
Најефикасен во канадската репрезентација беше Шаи Гилџус-Александер со 20 поени, додека Ендрју Нембхард постигна 18 поени.
Во селекцијата на Шпанија се истакна Дарио Бризуела со 17 поени.
Канада е прва во групата А, Австралија заврши на второто место, додека Грција ќе напредува од третото место доколку Србија го победи Јужен Судан со најмалку три поени разлика.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 100 ДЕНАРИ
Видео на денот