Кошаркарите на Пелистер останаа единствена непоразена екипа во Првата лига откако во дерби пресметката го совладаа МЗТ Скопје со 88:85 во рамките на 11. коло.
Битолчани имаат перфектен скор од осум победи во осум меча, додека металците имаат пет победи и три порази за шеста позиција на табелата.

Натпреварот помина во голема борба под кошевите во кои и двата тима си имаа свои периоди. Сепак, клучен беше моментот кога Пелистер на крајот од втората четвртина и стартот од третата направи серија од 18:4 со која дојде во водство од 51:44. Од тој момент, Пелистерци ја контролираа ситуацијата на паркетот и на пет минути до крајот имаа и двоцифрена предност (85:72). Во тие моменти како да се разбудија металците и направија серија од 13:0 со која дојдоа до израмнување на 85:85 на една минута до крајот. Џордан Калахан донесе водство за Пелистер, а победата ја завери Никола Малешевиќ со слободното фрлање во последните секунди. Игор Кесар со 27 поени и Малешевиќ со 22 поени и 11 скока беа најдобри во победничкиот тим додека Феми Олуџоби со 38 поени најпрецизен кај МЗТ.

Пораз доживеа и екипата на Работнички која загуби од Академија ФМП со 75:69. Одлучувачки момент на натпреварот беше серијата од 11:0 на Академија ФМП со која дојде до предност од 50:39 и до крајот не ја испушти.
Стефан Крстајиќ со 30 поени и 14 скока беше најрасположен за игра кај Академија ФМП, додека во тимот на Работнички се истакна Стефан Балмазовиќ со 16 поени.

Фото: КК Пелистер