МЗТ Скопје Аеродром ја оправда фаворитската улога на гостувањето кај Куманово (88:68) во меч од 17 коло од Првата македонска кошаркарска лига, по кој актуелниот шампион останува на врвот со учинок од 15-2 и најмалку една победа повеќе во однос на најголемиот ривал Пелистер.

Играчите на Драган Николиќ одиграа рутински, најголемата предност ја обезбедија во второто полувреме кое го добија со 48:27.

Кеандре Кук со 17 поени беше најефикасен кај МЗТ, а на спротивната страна се истакна Марјановиќ со 21 кош. Куманово е на деветтата позиција со скор 4-13.

Се одигра уште еден меч, Кожув на домашен терен со 82:72 триумфираше над ТФТ Скопје. За Кожув доминираше Гордон со 32 поени, а за ТФТ блескаше МекБрејер со 15 поени.

ТФТ е на третото место (11-6), додека Кожув после осмата победа сезонава е на осмото место.