Коронавирусот влезе во Серија А, четворица играчи заразени, Јувентус во карантин
Фудбалерите на Јувентус од вчера ги прекинаа тренинзите откако беше обелоденето дека уште тројца фудбалери се заболени од коронавирусот.
Станува збор за тројца фудбалери на Пјанезе, екипа од третата лига која неодамна играше против У23 тимот на Јувентус.
„Газета дело спорт“ тврди дека со коронавирусот се заразени тројца фудбалери на Пјанезе како и тренерот на екипата, а Јувентус сите свои играчи од тимот до 23 години ги испрати во домашен карантин каде ќе останат се до 8. март.
Juventus have cancelled all training sessions after U23s played Serie C team Pianese who had four members of staff test positive for coronavirus https://t.co/vDxn8vID7s
— MailOnline Sport (@MailSport) March 1, 2020
– Активностите на екипата на Јувентус до 23 години привремено се запрени како дел од превентивните мерки со кои би се спречило ширење на коронавирусот, но засега можеме да потврдиме дека ниту еден од играчите на Јувентус не беше позитивен на тестирањата – стои во соопштението на „старата дама“.
Во Италија до денеска се заболени дури 1.049 лица со коронавирус, а се починати 29 лица. Викендов поради стравот од ширење на епидемија на опасниот вирус се одложени пет натпревари, помеѓу кои и најголемиот натпревар во Серија А, популарното „Дерби Италија“ помеѓу Јувентус и Интер.