Коронавирусот одложи уште еден меч на Вардар во ЛШ!
Иако беше одреден нов термин за одигрување на натпреварот на Вардар 1961 во Лигата на шампионите против ПИК Сегед, истиот е одложен.
За одигрување на истиот меч ќе се бара друг термин и координација со двете екипи, веројатно по завршувањето на Светското првенство во Египет кое ќе се одржи во јануари 2021 година.
Планирано беше мечот со ПИК Сегед да се одржи на 22 декември во 20.45 часот во Унгарија.
Во македонскиот и натаму актуелен европски шампион сè уште има позитивни случаи, а екипата сè уште не почнала со целосно тренирање.
Здравјето на спортистите е најважно, а моментно „црвено-црните“ во својата група „А“ е на претпоследната седма позиција со три бода од пет натпревари, а на делба на првото место се Кјелце и Флензбург со по 13 бодови, и двете екипи имаат по осум одиграни мечеви.