За време на епидемијата на коронавирусот криминалците почнале да се користат со различни „тактики и техники“ за да избегнат или побегнат од полицијата, а плукањето им станало оружје кое на чуварите на редот и законот им задава големи проблеми.

Најнеобичен пример за употреба на вирусот Ковид-19 стигнал од Флорида, каде маж за да избега апсење на вратата залепил предупредување „заразен со коронавирус“.

Џошуа Прајс, против кого веќе биле издадени повеќе налози за апсење, за да избега на полицијата, на влезната врата залепил натпис „заразен со коронавирус од 08.04.2020“.

– Поставување на лажни предупредувања на врата нема да не спречи да ве уапсиме, напишале од кабинетот на шерифот во објава на Фејсбук најавувајќи го апсењето на Прајс кој меѓу другото ја прекршил и условната казна.

28-year-old Joshua Price attempted to do to avoid arrest for felony flee and elude and violation of probation warrants. The sign reads, "COVID 19 infected since 4/8/20." https://t.co/k9HGAtWgXc

— WEAR ABC 3 (@weartv) April 21, 2020

Полицајците при апсењето користеле заштитна опрема иако им било кажано дека „нема знаци“ дека осомничениот бил изложен на вирусот.

Кашлаат во лице

Криминалците против полицајците користат ново оружје – плукање, кашлање и кивање во лице, што претставува огромен проблем за полицијата. Проблемот е делумно решен така што е нагласено дека користењето на закана со коронавирусот ќе се смета како закана со оружје (биолошко) и нема да се толерира.

Престапниците секогаш, откако ќе им се накашлаат на полицајците во лице или ќе ги плукнат им додавале „се надевам дека сега и ти имаш коронавирус“.

While in handcuffs, the 26-year-old man spit in the face of an officer who was wearing a protective face mask. https://t.co/daV716jyjd

— WKRN (@WKRN) April 19, 2020

Маж кој плукнал полицаец во лице, наведувајќи дека има Ковид-19 бил обвинет во Мичиген за две кривични дела. Заради употреба на опасни супстанци и лажна закана казна од пет години, а за давање отпор при апсење две години.

Иако обвинетиот наведувал дека сето тоа било шега, судијата рекол дека ситуацијата е тешка, дека луѓето умираат и дека полицајците се доволно изложени на опасности и дека не им е потребен додатен стрес.