Коронавирусот ја олесни светската економија за најмалку 126 милијарди долари
Во извештајот на ИТЦ се наведува и дека пандемијата сериозно погодила над 55 отсто од сите мали и средни претпријатија.
Најновото истражување на Меѓународниот трговски центар (ИТЦ) покажува дека светската економија е во загуба од најмалку 126 милијарди долари поради коронавирусот.
Кинескиот извоз според извештајот во февруари годинава забележал пад од 21 отсто во споредба со истиот период претходната година.
– Целосните ефекти од кризата сè уште не се видливи, бидејќи повеќето земји започнаа со затворање на границите кон крајот на март и април, наведува ИТЦ во извештајот.
Блокадите во Кина, Европската унија и САД имаат најголемо влијание врз меѓународната трговија, бидејќи овие три економии, како што се наведува во истражувањето, се главни играчи во глобалните синџири за снабдување и затоа се важни увозници на суровини, делови и компоненти.
Според податоците на ИТЦ, трите главни трговски центри – Кина, САД и ЕУ, учествуваат со 63 отсто од увозот на светски снабдувачки синџири и 64 отсто од извозот. Затоа ИТЦ наведува дека глобалната економија изгубила најмалку 126 милијарди долари поради пандемијата.
Во извештајот се наведува и дека пандемијата сериозно погодила над 55 отсто од сите мали и средни претпријатија.