Недостатокот од здравствениот персонал во време на коронавирус, ќе се регулира со можноста здравствените работници да работат до 67 годишна возраст, но само доколу здравствените установи имаат потреба да го задржат здравствениот парсонал подолго од предвиденото време за одење во пензија. Ова законско решение ќе важи само ако има претходна согласност на здравствениот работник.

– Директорот на здравствената установа по претходна согласност на здравствениот работник или соработник, еднаш годишно донесува одлука за продолжување на договорот за вработување кој ги исполнил условите за стекнување на старосна пензија најмногу до 67 години возраст, пишува во предлог законот.

Предлог на законот за изменување и дополнување на Законот за здравствената заштита се носи заради овозможување на континуирано пружање на здравствена заштита на осигурениците на територијата на целата држава.

„Со Предлог законот по постојниот член 204 се додава нов член 204-а, со кој по исклучок се регулира можноста за продолжување на работниот однос на здравствениот работник и здравствениот соработник заради овозможување на континуирано вршење на здравствената дејност во мрежата на здравствени установи“.

Предлог законот има само три члена и е на денешната седница на собраниската комисија за здравство во второ читање. Со сегашниот закон за работни односи мажите во пензија одат со 64 години а жените на 62 години.