Коронавирусот го менува ликот на Њујорк (ФОТО)
Неколку десетици шатори, во кои има 68 болнички кревети и 10 респиратори, се поставени во познатиот Централ парк
Импровизираните полски болници во познатиот Централ парк, тениските терени и конгресниот центар, опремени со илјадници болнички кревети, покажува дека Њујорк прераснува во епицентар на светот на пандемијата на коронавирус.
Од пандемијата досега во Њујорк починаа повеќе од 1.700 лица, соопшти Американскиот претседател Доналд Трамп, кој потекнува од Њујорк, а порача дека следните две недели за САД ќе бидат многу тешки и ќе бидат прашање на живот и смрт.
Финансиската престолнина на САД Њујорк е најпогодениот американски град од пандемијата од Ковид-19. Поради наглиот наплив на болни, градските власти беа принудени да поставуваат импровизирани полски болници за да можат да ги зголемат капацитети за прием на пациентите во пресрет на пикот на епидемијата.
Неколку десетици шатори, во кои има 68 болнички кревети и 10 респиратори, се поставени во познатиот Централ парк.
Граѓаните на Њујорк коментираат дека целата оваа состојба е надреална, потсетувајки на холивудстките филмови кои во минатото биле прикажувани на тема епидемија, а кои биле доживувани како нереално сценарио.
Според официјалните податоци, бројот на зарзаени во САД се искачи на 189 510, од кои 4076 завршија со смртен исход.
Бројката на починати во САД ја премина и бројката на починати во Кина, која според официјалните извештаји изнесуваше 3310.
Градоначалникот на Њујорк, град со најголем број на починати и зарзаени лица од Ковид -19, најави зголемување на болничките капацитети во пресрет на врвот на бројката на заразени која се очекува да биде кон крајот на април.