Африканскиот куп на нации кои требаше да се одржи на почетокот од наредната година е откажан и презакажан за 2022 година поради пренатрпаниот календар.

Конфедерацијата на африканскиот фудбалски федерации (ЦАФ) денеска соопшти дека турнирот на кој 24 екипи ќе се борат за титулата ќе се одржи во јануари и февруари 2022 година во Камерун.

„Датумите на турнирот и преостанатите натпревари во квалификациите дополнително ќе бидат објавени“, стои во соопштението на ЦАФ.

Во квалификациите остана да се одиграа уште четири кола, а со распоредот се доцни поради пандемијата на коронавирусот, оваа година не е одигран ниту еден натпревар, а во октомври и ноември слободни се само четири термини.

Пандемијата го одложи и женскиот Африкански куп на нации и наместо тоа во 2021 година ќе стартува женска Лига на шампиони.
Секоја од 54. земји членки на ЦАФ ќе добие 300.000 долари како помош за покривање на трошоците предизвикани од пандемијата.