Земјите од регионот во периодов повторно се мачат со пандемијата, некои од нив бележат раст на бројките на заболени, а некои раст на загинати од ковид-19.

Кај нас во изминативе 24 часа беа регистрирани 227 случаи, а беа потврдени 15 починати.

Србија

Така, во Србија изминативе 24 часа се регистрирани 5,733 случаи, а починале 61 лице.

Епидемиологот и член на Кризниот штаб Бранислав Тиодоровиќ денеска за телевизијата Танјуг изјавил дека ситуацијата не е извонредна, како што велат некои негови колеги, туку катастрофална и дека корона вирусот не препознава „српски инает“. 

Словенија

Во Словенија повторно беше забележан на раст на бројките, во изминативе 24 часа се регистрирани 1497 нови случаи, а има починато 5 лица. 

Хрватска

Во Хрватска има нов раст на бројките во изминатата недела, а во последниве 24 часа се регистрирани 2,293 лица, а починале 28 лица.

Бугарија

Кај нашиот источен сосед во последниве 24 часа се регистрирани нови 3,353 случаи на ковид-19, а починале 58 лица.

БиХ

Во Босна и Херцеговина се регистрирани 273 нови случаи со 17 починати од 1,675 тестирани.

Албанија

Кај западниот сосед се регистрирани нови 629 нови случаи, а починале 7 лица.

Грција

Кај Грците се регистрирани 2,098 новозаразени и 3о починати.

Црна Гора

Во Црна Гора се регистрирани 433 нови случаи со шест починати.