Корона во таборот на Португалија, Кансело ја пропушта групната фаза
Продолжуваат проблемите со здравјето на фудбалерите за време на Евро 2020. Сериозен удар актуелниот европски шампион Португалија која во групната фаза ќе мора да игра без Жоао Кансело.
Причината за отсуството на Кансело во дуелите со Германија, Франција и Унгарија е позитивниот тест на коронавирус. Бекот на Манчестер сити е единствениот кој имаше позитивен тест на коронавирус на последното тестирање и веднаш замина во карантин во кој ќе биде се до крајот на групната фаза. Медицинскиот тим на португалската репрезентација се сомнева дека Кансело се заразил за време на пријателкиот натпревар со Шпанија бидејќи за „црвената фурија“ играше Серхио Бускетс кој следниот ден имаше позитивен тест на Ковид-19.
Селекторот Фернандо Сантош експресно реагираше и на местото на Кансело го повика членот на младата репрезентација Диого Дало кој кога го доби повикот се наоѓаше на одмор во Дубаи.
ℹ️ Diogo Dalot, internacional sub-21, vai juntar-se à comitiva da Seleção Nacional que se encontra em Budapeste a preparar a estreia no #Euro2020. https://t.co/WSB2j8h1bb
— Portugal (@selecaoportugal) June 13, 2021