КОРМИЛОТО ГО ПРЕВЗЕМА ЖЕНА: „Фајненшал тајмс“ ќе ја има првата уредничка во традицијата стара 131 година
Рула Калаф во јануари ќе го замени досегашниот уредник на „Фајненшал тајмс“, Лионел Барбер, со што ќе стане првата жена која го предводи овој британскиот весник кој се печати 131 година.
Барбер се повлекува од функцијата уредник на „ФТ“ по 14 години, а за време на неговиот мандат „ФТ“ беше продаден на „Никеј“ во јули 2015 година, јапонски медиумски магнат кој има шест деловни и финансиски медиуми во своето портфолио, а дел од групацијата се и „ТВ Токио“ и „Никеј ЦНБЦ“.
За време на неговиот мандат, претплатата преку Интернет беше многу успешна и тој ја заштити групата во многу бурни времиња во која беше зафатена индустријата на весници. „ФТ“ го премина прагот од еден милион претплатници во 2019 година, при што дигиталните претплатници сочинуваат повеќе од 75 проценти од изданијата.
Roula Khalaf has been appointed the next editor of the Financial Times, succeeding Lionel Barber, who stepped down on Tuesday after a 14-year tenure https://t.co/JOrg2d71io pic.twitter.com/rO22BeZPyp
— Financial Times (@FinancialTimes) November 12, 2019
Барбер ќе остане уредник на „ФТ“ за време на општите избори во Велика Британија, а Калаф ќе го преземе кормилото во јануари.
Рула Калаф работи како заменик-уредник од 2016 година, набргу ќе стане првата жена која ќе го предводи овој престижен весник.
Цунео Кита, челникот на „Никеј“, рече дека е задоволен што Калаф се согласила да ја преземе улогата на уредник.
– Имам голема доверба дека таа ќе ја продолжи мисијата на „ФТ“ во квалитетно новинарство без стравови и отстапки, како и дека ќе ги инспирира и ќе го води тимот од најталентираните новинари да продолжат да ги следат случувањата во бизнисот, финансиите, економијата и политиката на глобално ниво – рече Кита.