-5 C
Скопје

Кордалов: Да се внимава новинарите да не бидат ставани во улога на промотори

Мислам дека треба многу да се внимава новинарите и другите медиумски работници да не бидат ставани во улога на промотори, односно продолжена рака на маркетингот, истакна на денешната онлајн дебата на тема „Пи-ар наспроти новинарство”, специјалистот за односи со јавност и нови медиуми Бојан Кордалов.

Тој нагласи дека ПР агенциите, компаниите и јавните институции секогаш ќе бараат начин за поголем досег и поголема публика за својата порака.

– Медиумите треба да бидат поддршка и сојузник со цел да се најдат добри ПР практики и истовремено задржување на медиумските стандарди и пракси, нагласи Кордалов.

Тој на дебатата наведе и негови дилеми, односно дали компаниите ќе имаат интерес да се рекламираат под услови на стриктно двоење од мејнстрим статиите и објавите, посочувајќи дека дилемата е заради многу помалиот досег и влијание, односно доверба кој би го имале таквите категории.

Прочитајте и...  Владата повторно ќе дава субвенции, овој пат 52 милиони денари ќе бидат поделени за енергетско ефикасни прозорци и сончеви колектори

Кордалов, исто така запраша дали буџетот за рекламирање ако се раздвојат агенциите, односно компаниите и медиумите нема тогаш да се одлее во огромна мера кон социјалните медиуми и платеното рекламирање на FB, Instagram, Google…

– Верувам дека ваквиот пристап ќе придонесе кон создавање на позитивни практики и градење на взаемна здрава и партнерска врска меѓу медиумите и приватниот сектор, јавните институции и политиката, рече Кордалов.

Пи-ар професионалецот Гоце Пачемски, истакна дека добриот пи-ар е невидлив и оти добриот пи-ар се обидува да ги доближи интересите на клиентот до јавниот интерес.

– Добриот пи-ар и професионалните медиуми се обидуваат да се доближат до истата цел а тоа е јавниот интерес. Ниту сите медиумите се грижат за јавниот интерес, се обидуваат да го следат својот комерицијален интерес, ниту сите пи-ар професионалци се обидуваат да се грижат за јавниот интерес, посочи Пачемски.

Прочитајте и...  ФОТО | „Доста беше“: Портпаролот на ВМРО-ДПМНЕ роденденски ја запроси девојката Сања

Тој потецираше дека една институција за да го изгради својот имиџ, односно репутација во јавноста, треба да најде начин да испраќа не само пропагандистичките пораки или позитивистичките пораки, туку и да ги кажува своите недостатоци на вистински начин затоа што луѓето велат „кога ќе ја признаеш грешката половина ти се проштева”

–  Значи не можете вие само со пропаганда да постигнете добар пи-ар. Видете ги само истражувањата за јавно мислење, нивото на доверба на јавноста во институциите и ќе сфатите во што е проблемот. Затоа што мерката за успешен пи-ар е ниво на доверба на јавноста во организацијата, институцијата поради тоа што тоа ниво е во константен пад тоа значи дека не се ефикасни вложувањата на институциите во тој пи-ар, едноставно тој пи-ар не ги исполнува целите за кои е ангажиран, тоа е само пропаганда, ништо повеќе, заклучи Пачемски.

Прочитајте и...  Бесплатно скијање во битолскиот скијачки центар „Нижо Поле"

Поврзани вести

Петти ден по ред во Бразил над 1.000 умрени дневно од ковид-19

МИА Агенција

Бројот на жртви од земјотресот во Индонезија се зголеми на 56

МИА Агенција

Во Јакутија повторно измерени -47 степени Целзиусови

МИА Агенција

Си-Ен-Ен: Бајден на првиот работен ден ќе смени серија лоши или неостварливи одлуки на администрацијата на Трамп

МИА Агенција

Шпанската крајбрежна стража кај Канарските острови спасила 34 мигранти, едно дете настрадало

МИА Агенција

Минусни температури во цела држава, на Попова Шапка -16 степени

МИА Агенција

Остави Коментар