Корбин: Инцидентот на мостот во Лондон е шокантен

Фото: EPA-EFE/ANDY RAIN

Лидерот на британската опозициска Лабуристичка партија Џереми Корбин изјави дека е затекнат од денешниот „шокантен” инцидент на мостот во Лондон и им се заблагодари на службите за итни случаи за нивната брза реакција.

Британската полиција денеска соопшти дека убила маж кој прободел неколку лица на мостот во Лондон и нападот го третира како терористички чин, пренесува Би Би Си.

– Шокантен извештај од Лондонскиот мост. Моите мисли се со оние кои се погодени во овој инцидент. Благодарност на полицијата и службите за реакцијата, напиша Корбин на Твитер.

Полицијата претходно соопшти дека се повредени неколку лица. „Телеграф” јави за шестмина повредени, од кои најмалку тројца во животно-загрозувачка состојба.

„Полицијата во притвор задржа еден маж. Веруваме дека неколку лица се повредени”, информираше лондонската полиција.

Според новинар на Би Би Си едно лице со нож нападнало неколкумина на мостот, кои се обиделе да го совладаат. Потоа пристигнала полицијата и испукала неколку куршуми.

Лондонската Итна служба соопшти дека настанот го оквалификувала како „голем инцидент” и оти неколку тимови излегле на терен.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот