Контурирањето е шишање, техника на бојадисување и обликување на светлата коса и сенката за да се постигне одреден визуелен ефект, односно визуелно да се променат цртите на лицето.

Со мудрото контурирање на косата, лицето можеме да го стесниме, прошириме, намалиме челото, да ги ублажиме острите црти и многу други работи. Фризерите ја објаснуваат поентата на оваа техника: „Доколку сакаме да скратиме некои делови на лицето, тоа можеме да го постигнеме со косата, нејзината густина и сенка, додека истовремено треба да дозволиме светлост на оние места кои сакаме да ги нагласиме“.

View this post on Instagram

And from sky descended, or so it felt, my beautiful Elsa Dress. Designed by the ethereal Zoe Turner for @stjohnknits. This dress and other beauties, part of their new exclusive, limited-edition capsule collection. X, SJ #STJOHNSTYLE #STJOHNBYZTURNER #ZTURNER

A post shared by SJP (@sarahjessicaparker) on Nov 7, 2019 at 7:57am PST

Покровител на оваа техника за бојадисување е Ник Пена, сопственик на познат фризерски салон во Бостон, кој објаснува: „Осветлувањето и додавањето сенки на одредени делови од косата може да доведе до илузија на поинаков изглед на лицето, зависно од тоа што сакате да нагласите. На пример, доколку некој има издолжено лице, светлите прамени покрај ивицата на лицето може да дадат впечаток на проширување, додека пак жените со изразена вилица треба да го направат обратното. Тие треба да имаат светли прамени кај темето, а потемни покрај вилицата. За високо чело идеални се омбре прамените кои го ставаат фокусот на долниот дел од лицето, додека за широкото лице добро е прамените да се потемни покрај рабовите“.