Контроверзниот документарец за принцезата Дајана ги разбесни принцовите: Сакала да се убие 4 пати!
Ни кралското семејство ни семејството на принцезата Дајана нема да учествуваат во контроверзниот документарец, тие одбиле да зборуваат и да снимаат. Продуцентите планираат четири продолженија, а како што пишува Дејли мејл, принцовите Хари и Вилијам „ќе се соочат со ново страдање“.
Како што пишуваат британските танблоиди, на популарната платформа Нетфликс наскоро треба да излезе документарецот „Being Me: Diana“, кој ги следи животните турбуленции на нивната мајка, принцезата Дајана.
Серијалот е во продукција на ТВ-компанијата ДСП, која стои зад популарната драма 127 hours и компанијата ИТВ, позната по серијата посветена на парот кој се натрепраруваше во уметнички лизгање „Torril & Dill“. Сепак, од Нетфликс се уште немаат официјално најавено или објавено нешто за овој проект, за кој се шпекулира дека би можел да ги сруши сите досегашни рекорди на гледаност на платформата.
Во документарецот ќе биде изнесено скандалозно тврдење дека принцезата дури четирипати се обидела да си го одземе животот. Приказната ќе ја следи борбата на принцезата за нејзиното нарушено ментално здравје, пореметувањата во исхраната, несреќниот брак со принцот Чарлс и болното детство.
„Вилијам и Хари ќе бидат многу вознемирени и бесни“, рекол анонимен извор за британските медиуми.
Нетфликс веќе соработуваше со принцот Хари, а тој и Меган Маркл водат преговори со стриминг-сервисот во врска со идни проекти, па се шират гласини дека овој документарец би можел да ги наруши нивните односи, па затоа платформата досега нема објавено ништо за оваа серија.
Документарецот што се подготвува наводно ќе прикаже никогаш досега невидени снимки од принцезата Дајана во периодот од 1900 до 1992 година, а ќе ја следи нејзината внатрешна борба пред одлуката да се разведе од принцот Чарлс.