КОНТРАОФАНЗИВА: Хуавеј бара милијарда долари за користење на свои патенти во САД
Помина еден месец од почетокот на „случајот Хуавеј“, односно откако американската администрација повлече прв очигледен офанзивен потег, во веќе актуелната трговска војна со Кина.
Од моментот кога Трамп им забрани продажба на американска технологија во кинеските компании, технолошкиот гигант од Шенжен и еден од најголемите глобални играчи на полето на мобилните телефони стана главна тема во надворешната економска политика на САД.
Иако досега влгавно се зборуваше за последиците од оваа одлука кои понатаму би можел да ги претрпи Хуавеј, сега, се чини дека е време за контраофанзива.
Кинеската компанија најави дека од американскиот телекомуникациски конгломерат – компанијата Веризон, ќе бара, ниту помалку ниту повеќе туку милијада долари!
Барањето на Хуавеј е врз основа на многубројните патенти и технологии, врз кои тие имаат права, а кои Веризон ги користи.