Антонио Конте ќе биде новиот тренер на Интер, објави италијанската телевизија Скај спорт. Според телевизијата, тие веќе го потпишале договорот, а официјалната промоција ќе биде по завршувањето на сезоната. Се шпекулира дека Италијанецот ќе добие тригодишен договор, а платата би му изнесувала помеѓу 9 и 10 милиони евра годишно.

Доаѓањето на Антонио Конте во Интер, е по заслуга на директорот Бепе Марота кој конечно успеа да го убеди сопственикот Стивен Женг, дека токму поранешниот селектор на Италија е идеалното решение за клупата. Тие двајца имаа успешна соработка со Јувентус, каде освоија три титули едноподруго во Серија А.

Сопственикот Жанг на Конте му ветил повеќе од 100 милиони евра за засилувања, кои би биле доволно за ангажирање на 2-3 врвни засилувања со кои се очекува Интер да му биде сериозен конкурент на Јувентус за титулата во Серија А .