Екипата на Интер во градското дерби против Милан победи со 2:0 и остана единствена екипа со максимален скор во Серија А по четири кола.
Трнеерот на Интер, Антонио Конте е задоволен од победата на неговиот тим, но и од прикажаната игра која наликува на тоа што посакува да го гледа на секој натпревар.

– Градски дерби натпревари се посебни и никогаш не е лесно да ги добиете. Задоволни сме, момците одиграа добро, иако на претходниот меч потфрливме. Среќен сум што брзо го заборавија киксот со Славија, добро е што се вратија на вистинскиот пат и што ги направија среќни навивачите. Лукаку и Лаутаро ни се многу важни, моја работа е да им помогнам да напредуваат. Игравме како тим, имаме идеја што треба да се прави и кога ја имаме и кога ја немаме топката – рече Конте.