Конте обожува да пазари во Премиер лигата, следна цел е ѕвезда на Арсенал
Нападот на Интер за следната сезона треба да биде посилен за Пјер-Емерик Обамејанг.
Екипата на Интер сезонава заедно со Лацио ќе се обидат да ја прекинат осумгодишната доминација на Јувентус во Серија А, но тренерот на „нероаѕурите“ Антонио Конте веќе се подготвува и за наредната сезона.
Италијанецот кој од 2016 до 2018 година го тренираше Челси, одлично го знае квалитетот на играчите кои играат во Премиер лигата и затоа постојано бара засилувања во Англија.
Конте откако минатото лето седна на клупата на Интер ги донесе Ромелу Лукаку, Алексис Санчез и Ешли Јанг од Манчестер јунајтед, Виктор Мозес од Челси и Кристијан Ериксен од Тотенхем, сега планира да пазари во Арсенал.
Интер на лето ќе се обиде да го купи одличниот напаѓач на „топчиите“, Пјер-Емерик Обамејанг кој не сака да остане во Арсенал.
Обамејанг има уште 18 месеци од договорот со Арсенак, но веќе ја одби понудата да потпише нов договор за 350.000 фунти неделна плата, со што ги алармира заинтересираните екипи.
Интер планира да понуди 70 милиони евра за Обамејанг, а парите ќе бидат обезбедени од продажбата на Лаутаро Мартинез кој има откупна клаузула од 110 милиони евра. Таа сума не претставува проблем за Барселона, Реал Мадрид, ПСЖ и Манчестер јунајтед кои сите се заинтересирани за услугите на аргентинскиот репрезентативец.