Конте го пецна Тухел: Не го користите Лукаку на вистински начин
Антонио Конте кој минатата сезона со Интер ја освои титулата во Серија А му порача на Томас Тухел и тренескиот тим на Челси дека мораат да сфатат на кој начин најдобро ќе ги искористат квалитетите на Ромелу Лукаку.
Конте му беше тренер на Лукаку во Интер, а летово и двајцата си заминаа од „Џузепе Меаца“. Лукаку се пресели во Челси, додека Конте одлучи да си земе едногодишна пауза.
– Тренерот е добар доколку им помогне на играчите да напредуваат. Мислам дека во Интер направивме добра работа со Лукаку. Тој е специфичен играч, опасен е во казнениот простор и е неверојатно брз. Доколку имате таков фудбалер мора да го користите, а мислам дека во Челси се уште не знаат како тоа да го направат. Кога ќе сфатат како најдобро да ги користат квалитетите на Лукаку, повторно ќе бидат фаворити за триумф во Лигата на шампионите – изјави Конте.
Вчера Челси во дербито на колото во Лигата на шампионите загуби со 1:0 од Јувентус.