Италијанскиот премиер Џузепе Конте денеска изјави дека рускиот претседател Владимир Путин го известил оти е согласен да формира Комитет за испитување на наводното труење на рускиот опозициски лидер, Алексеј Навални.

– Претседателот Путин ме увери дека Русија има намера да разјасни што се случило и ми кажа дека ќе формира истражна комисија и подготвен е да соработува со германските власти, изјави Конте за „Ил Фолио”.

Конте додаде дека соработката е најдобриот начин да се спречи овој драматичен настан негативно да влијае на односите меѓу Европската Унија (ЕУ) и Русија.

Навални, кој е во болница во Берлин, со авион  беше префрлен в Германија откако минатиот месец му се слоши на внатрешен лет во Русија.

Германија потврди дека Навални бил отруен од нервниот агенс Новичок и дека целта на нападот била тој да се убие, додека Русија наведува дека нема докази дека Навални бил отруен.