Конте до Пандев: Не се откажувај, имаш уште толку многу да му дадеш на фудбалот!
Горан Пандев, членот на Џенова, стигна до јубилејните 100 гола вчера на дуелот од Серија А против Беневенто…
Македонскиот репрезентативец и на 37 години продолжува да ги тресе противничките мрежи во најсилното италијанско првенство. Нашиот играч за „Скај Спорт“ изјави дека е среќен и не очекувал да постигне толку многу погодоци.
– Среќен што стигнав до 100 голови во дресот на најстариот клуб на светот. Дали ќе играм и наредната година? Ќе видиме, ќе зборувам со претседателот на клубот, физички се чувствувам добро. Се надевам со репрезентацијата ќе имаме добар настап на Европското првенство, а потоа размислувам да се повлечам – рече Пандев.
100 – Goran #Pandev is the first Macedonian player to score at least 100 goals in the Top-5 European Leagues. Historic.#GenoaBenevento #SerieA pic.twitter.com/up5ahp4uAl
— OptaPaolo (@OptaPaolo) April 21, 2021
Заедно во живо на „Скај Спорт“ се приклучи и Антонио Конте, кој е моментно тренер на Интер и со чија екипа е најблиску да го освои Скудетото.
Пандев, како екс играч на „неро-аѕурите“ се надева дека ова е добра година за Интер да ја освои титулата, а еве како му одговори Конте:
– Не се откажувај, имаш уште толку многу да му дадеш на фудбалот. Знам дека е тешко. Но, сè додека сакаш да тренираш со радост, правилно е да продолжиш – вели Конте.