Конфекција во Ресен е ново жариште на коронавирус, петнаесет вработени се заразени

Петнаесет вработени од конфекција за текстил во Ресен се позитивни на коронавирус.

Општинскиот кризен штаб, како што информира денеска за МИА градоначалниот на Општина Ресен Живко Гошаревски, кој раководи со телото, препорачал затворање на конфекцијата на 10 дена, но препораката не била испочитувана.

– Има инспекции и вработени од Центарот за јавно здравје, постојано вршат контроли и прават епидемиолошки анкети кај вработените, посочи Гошаревски.

Нагласи дека општината ги презема сите потребни мерки за заштита на населението од коронавирусот и оти посебно се насочени кон училиштата каде што се одвива настава со физичко присуство.

– Постојано се врши дезинфекција на улиците и во јавните институции. Во Општина Ресен има училишта каде наставата се врши со физичко присуство и таму посебно сме насочени за заштита на најмладите. Постојано сме во контакт со директорите, се врши редовно дезинфекција, а се делат и заштитни маски за учениците, истакна Гошаревски.

Прочитајте и...  Курсна листа на НБРСМ: Колку чини еврото денеска?

Според него, во јавните институции и компаниите на територија на општината се почитуваат препораките за заштита на населението во време на пандемија.

Во општина Ресен во моментот има 47 активни случаи. Од почетокот на пандемијата биле регистрирани 211 заразени и шест починати. Во Ресен првите позитивни случаи се појавија во јуни.

Поврзани вести

Трамп: Испораката на вакцините против коронавирусот почнува следната недела

Слободен печат

Мицкоски најави: ВМРО-ДПМНЕ ќе достави предлог за доверба на Владата во Собранието

Слободен печат

Меркел: Граѓаните да бидат трпеливи, се гледа светлината на крајот на тунелот

Слободен печат

Експерт на СЗО: Животот на кој што бевме навикнати пред пандемијата е реален повторно

Слободен печат

ВИДЕО | Путин: Избегната е еколошка катастрофа, но се уште е рано за опуштање

Слободен печат

Племињата креваат глас: Вратете ни ја земјата!

Остави Коментар

MacedonianAlbanianBulgarian