Светската клупска титула денеска пристигна на стадионот „Рајко Митиќ“, по одлуката на Меѓународната фудбалска федерација (ФИФА) денеска Црвена Звезда, но и останатите екипи кои го освоиле Интерконтиненталниот куп во периодот од 1960 до 2014 година, официјално да ги признае како најдобри на планетата.

Сè до 27 октомври 2017 година освојувачите на Интерконтиненталниот куп, победниците од натпреварите помеѓу шампионот на Европа и Јужна Америка, не беа официјално признани како светски клупски шампиони.

View this post on Instagram

❗️STIGAO JE TROFEJ PRVAKA SVETA❗️ Na stadion "Rajko Mitić" stigao je trofej koji pripada klupskom prvaku sveta! Naš klub je odlučio da izloži pehar prvaka sveta pred današnju prvenstvenu utakmicu sa Radom, kako bi svi oni koji žele da se slikaju sa titulom prvaka sveta mogli to i da urade. Trofej će biti postavljen na zapadnoj tribini stadiona "Rajko Mitić" na ulazu u muzej Crvene zvezde od 17 časova. #crvenazvezdafk #fkcz #czv #zvezda #zvezdaježivot

A post shared by FK Crvena zvezda (@crvenazvezdafk) on Oct 18, 2019 at 1:08am PDT

Според денешната најава, навивачите на „црвено-белите“ од 17.00 часот пред клупскиот музеј на три часа пред мечот помеѓу Црвена Звезда и Рад во Суперлигата, ќе имаат можност за првпат да го погледнат овој трофеј.

Досега ниту еден клуб во своите витрини немаше официјален трофеј на светски шампион, туку само спонзорски.

Фудбалерите на Црвена Звезда на светскиот врв дојдоа во 1991 година со победата над чилеанскиот клуб Коло Коло со 3:0 во Токио, со двата гола на Владимир Југовиќ и еден на Дарко Панчев.

Екипата во Токио тогаш ја водеше тренерот Владица Поповиќ, а играа двајцата македонски фудбалери Дарко Панчев и Илија Најдоски, потоа Звонко Милојевиќ, Душко Радиновиќ, Владе Стошиќ, Горан Василијевиќ, Владимир Југовиќ, Миодраг Белодедиќ, Милорад Ратковиќ, Синиша Михајловиќ и Дејан Савичевиќ.