Претходниот договор на Давид де Хеа со Јунајтед истекуваше идното лето, во челниците на „црвените ѓаволи“ беа решени по секоја цена да го продолжат договорот и на крајот успеаја во намерата. Со новиот договор, Де Хеа ќе биде најдоброплатен фудбалер во Манчестер јунајтед со неделна плта од дури 375.000 фунти.

– Привилегија е да се биде дел од овој тим. Сакам да му помогнам на Јунајтед, да ги оствари целите и повторно да освојува трофеи. Тука сум и како еден од поискусните, да им помогнам на младите да сфатат што значи Манчестер јунајтед. Ќе дадам се од себе за да им вратам на навивачите за постојаната поддршка која ми ја пружаат откако сум дел од овој тим – изјави Де Хеа.

✍️ @D_DeGea is here to stay! #MUFC #DaveSaves ?

— Manchester United (@ManUtd) September 16, 2019

Задоволството од постигнатиот договор не го криеше ниту менаџерот Оле Гунар Солскјер.
– Пресреќен сум што Давид уште долго време ќе биде со нас. Тој е еден од најдобрите голмани на светот и е клучен дел од плановите кои ги имаме за да го вратиме Јунајтед на местото кое му припаѓа – рече Солскјер.

Давид де Хеа на „Олд трафорд“ пристигна во 2011 година од Атлетико Мадрид за сума од 25 милиони евра и оттогаш одигра 367 натпревари за Јунајтед.