Конечно можеме да ја следиме ЦИА: Агенцијата отвори инстаграм-профил, еве ја првата мистериозна објава
Американската агенција ЦИА отвори официјален профил на Инстаграм и со својот прв пост веќе привлече внимание.
Се работи за фотографија од една канцеларија со биро на кое има расфрлени предмети. Следачите на ЦИА ова го прифатија како предизвик да ги најдат асоцијациите на предметите.
На фотографијата се гледаат карти од Русија и Кина, хартиена кеса со натпис „Строго доверливо“, слушалки и една перика.
Се гледа и пропусницата на директорката на ЦИА Џина Хаспел, која е издадена уште во 1985 година, како и часовник кој покажува 8.46, времето кога е погоден Светскиот трговки центар.
Се гледа и една тетратка со мотото на ЦИА „Делиме што можеме, штитиме што мораме“, напишана на арапски јазик.
Следачите на ЦИА на Инстаграм пронашле и други симболи и се обидуваат да го утврдат нивното значење.
